الأحد، 3 سبتمبر 2017

١٥ خطوه للحصول على شهادة الدكتوراه في القانون

 ١٥ خطوه لتسجل الدكتوراه في القانون

كيفية تحضير رسالة الدكتوراه في القانون
كيفية تحضير رسالة الدكتوراه في القانون


كيفية تحضير رسالة الدكتوراه في القانون

مبدئيا البوست ده بعرض فيه خلاصه لفّ سنين وسنين لحد مرحله تسجيل الدكتوراه ، لان كتير من اصدقائي سألوني عليها.

١- بعد ما بتخلص الليسانس والماجستير ، لازم تحدد الاول المجال اللي انت ليك ميل اليه ، وعندك استعداد تقرا فيه بالساعات بدون فتور او ملل. المجال ده هو التخصص بتاعك ، يعني مثلا مدني ، جنائي ، دولي ، اداري ، دستوري ، تاريخ قانون ... الخ. 

٢ - بعد ما حددت المجال مع نفسك عن اقتناع ، هنيجي لمرحله اختيار موضوع البحث او الرساله. 


عشان تختار موضوع للبحث لازم تكون قاري كتيير في مجال التخصص ، عشان تعرف ايه اهم الاشكاليات اللي لازلت موجوده وينفع نتناولها في رساله. 


وعشان اسهل عليك الموضوع شويه ، تقدر انك تروح مكتبه الكليه ، وتطلب حاجه اسمها " الدوريات " دي بتبقي عباره عن مجلات قانونيه متخصصه بتصدر عن كليات الحقوق وعن بعض المنظمات والهيئات الاخري. 


يعني هتلاقي فيه مجله قانونيه بتصدر عن حقوق القاهره وكذلك عين شمس وباقي الجامعات المصري ، كمان هتلاقي مجلات بتصدر عن جامعه الكويت وجامعه نايف وغيرها من الجامعات العربيه ، ده غير المجلات اللي بتصدر عن الجمعيات العلميه ، زي الجمعيه المصريه للقانون الدولي او الجمعيه المصريه للاقتصاد السياسي والاحصاء ... الخ. 


٣ - بعد ما تنتهي من قراءه احدث الاعداد في المجلات المذكوره ، هتقدر تضع ايدك علي اهم واحدث المواضيع القانونيه اللي ممكن تكون نواه للرساله. 


٤- بعد كدا هتحاول تتأكد ان المواضيع دي يتوافر ليها المراجع الكافيه انك تشتغل منها. 


٥ - عنوان الرساله لازم ميكنش عنوان عام يصعب تغطيته في البحث ، وكذلك ميكنش عنوان دقيق قوي يحصر الرساله في كام صفحه. حاول يكون العنوان متناسب مع حجم الرساله ككل.


٦ - بعد كدا هتيجي اصعب مرحله ، وهي مرحله البحث عن مشرف للرساله ، هتضطر تلف الجامعات كلها ، وتسال عن المشرفين في التخصص بتاعك ( انا مثلا تخصصي جنائي ، فقابلت معظم دكاتره الجنائي في مصر ) وعشان اكون صريح الموضوع بيعتمد شويه علي العلاقات والمعارف ، خصوصا في الجنائي ، لكن طبعا توفيق ربنا اقوي من اي علاقات وده اللي حصل معايا في نهايه المطاف. 


٧ - المشرف لو وافق مبدئيا علي الاشراف ، هيتناقش معاك في المواضيع اللي انت مجهزها ( حاول يكون معاك اكتر من موضوع لانه مش هيوافق بسهوله ). 


٨ - بعد ما تستقروا علي الموضوع ، هيتناقش معاك في الخطه المبدئيه للرساله ، ودي غالبا بيطلب منك تعديلها كذا مره لحد ما تستقروا علي الشكل الانسب ليها ( ويجوز ليك تعديلها اثناء مرحله الكتابه علي ضوء مايتكشف لك من مستجدات ). 


٩ - في الدراسات العليا اطلب سجل الرسالات المسجله ، عسان تتاكد ان محدش مسجل في الموضوع اللي انت هتسجل فيه ، وشوف مين مسجل مع ذات المشرف وايه الموضوعات اللي مسجلين فيها . 


١٠ - المشرف بعد ما يوافق هيمضيلك علي الخطه وانه قبل الاشراف علي رسالتك ، بعدها بتبدا مرحله ترتيب ورقك وتسليمه لدي الدراسات العليا. وبعد كدا بيحددولك امتحان السيمنار. 


١١ - في امتحان السيمنار بتستعرض موضوع رسالتك امام اساتذه القسم اللي انت هتسجل فيه. وغالبا بتنجح طالما فاهم ابعاد موضوعك وكلامك معاهم كان مقنع. 


١٢ - بعد ظهور نتيجه السيمنار ورقك بيدخل مجلس كليه ثم مجلس جامعه وتدفع الرسوم وتطلع الكارنيه ، اللي بيتم تجديده سنويا ( ورسومه بتختلف من جامعه للتانيه ). 


١٣ - واخيرا بتشتغل علي رسالتك في ضوء نصائح المشرف بتاعك ، وبيحددلك خطه العمل اللي هتمشي عليها في مساله عرض الجزء اللي كتبته عليه. 


١٤ - لما بتخلص الرساله ككل ، المشرف بيراجعها وبيطلب منك تعديلات لازم تنفذها
١٥ - بعد كدا لو المشرف شاف ان رسالتك صالحه للمناقشه بيتم تشكيل لجنه الاشراف وبيتحدد موعد مناقشه الرساله. 

.........
بعد ما ربنا يكرمك في المناقشه بتبقي حصلت علي درجه " الدكتوراه " ودي اعلي درجه علميه في العالم ، ولذلك كانوا بيسموها "الشهاده العالميه ".... 
والف مبرووووك 👏🎓😊
محمد الصادق 
باحث دكتوراه في القانون الجنائي
بجامعه القاهره
كيفية اختيار موضوع رسالة الدكتوراه فى القانون
خطة رسالة دكتوراه في القانون
عناوين رسائل دكتوراه في الفقه المقارن
عناوين رسائل دكتوراه في القانون الجنائي
خطة بحث دكتوراه في القانون الدولي
رسالة دكتوراه فى القانون الجنائى
رسائل دكتوراه فى القانون الادارى المصرى
كيفية عمل رسالة دكتوراه فى القانون
رسائل دكتوراه في القانون الدولي العام

المكان: Saudi Arabia

0 التعليقات:

إرسال تعليق

افضل محامي شاطر في جده على استعداد لتقديم كافة الخدمات الشرعية والقانونية في مختلف القضايا على اختلاف تخصصاتها امام كافة المحاكام العاملة في السعودية والدوائر القضائية ذات الصلة .. فريق متخصص من اكفئ وافضل المحامين بانتظار استشاراتكم وتمثيلكم قانونيا بمختلف القضايا النظامية والشرعية والجنائية وكذلك التجارية كما يمكنا افراز مستشار قانوني في جدة دائم لشركاتكم لتقديم النصح والازداء القانوني السليم ..

افضل محامي بجده. يتم التشغيل بواسطة Blogger.
Scroll To Top